कविता-१ : माए मैथिली छथि आह्वान करैत !!

By -
बिख घोंटि-घोंटि छथि पीबि रहल
मैथिली छथि हिचकैत जीबि रहल
आकुल भऽ आइ विवशतावश
देखू माए नै विषपान करथि
माए मैथिली छथि आह्वान करैत !!

नै कम छी एकहु गोट किओ
सभ पैघे छी नै छोट किओ
बेरा - बेरी सभ राज करू
मस्तक पर कीर्तिक ताज धरू
अपनहिमे रहू जुनि ओझरायल
ई मिथ्या मतदान करैत !
माए मैथिली छथि आह्वान करैत !!

माए कानथि सुत निश्चिंत पड़ल
सुधि-बुधि बिसरल अचिंत पड़ल
चलू पोछब माएक नोर कियो
चलू लायब सुख केर भोर कियो
नहि देखि दुर्दशा जननी केर
चलू छाती अपन उतान करैत !
माए मैथिली छथि आह्वान करैत !!

कते कष्ट सहि माय जनम देलक
बाजू की ममता कम देलक ?
निर्ल्लज बनू नै, कने लाज करू
जुनि स्वयं पर एतबा नाज करू
जुनि करू एना अभिमान अहाँ
अपनहि-अप्पन गुणगान करैत !
माए मैथिली छथि आह्वान करैत !!

छी मैथिल एहि पर शान करू
अहाँ मैथिलीक सम्मान करू
सभ मिलि मैथिलीक प्रचार करू
मिथिलाक कीर्ति विस्तार करू
सुखद नूतन इतिहास बनत
चलु डेग मिला सहगान करैत !
माए मैथिली छथि आह्वान करैत !!

©पंकज चौधरी (नवलश्री)
(तिथि-२४.०१.२००१)

***मुम्बईसँ प्रकाशित मैथिली पत्रिका "मैथिली दर्पण"क वर्ष-१, अंक-१मे प्रकाशित

***mithimedia.comसँ प्रकाशित

Comments

Post a Comment

Popular posts from this blog

आलेख : मिथिलाक आर्थिक दशा आ संभावना

By -
तीन कातसँ तीन गोट महान नदीसँ (पूबमे कोसी, दक्षिणमे गंगा आ पश्चिममे गंडक) घिरल आ दू टा अन्तराष्ट्रीय सीमासँ (नेपाल आ बांग्लादेश) सटल मिथिलाक अपन विशिष्ट भौगौलिक, राजनीतिक आ आर्थिक महत्व अछि। खेती, माल-जाल पोसनाय आ माछ-पालन मिथिलाक प्रमुख आर्थिक गतिविधि अछि आ एहि क्षेत्रक लोकक लेल जीविकाक मुख्य साधन सेहो।धान, गहूम, दलहन, तेलहन, मकईक अलावा बांस, जूट, आम, लीची, केरा आ मखान मिथिलाक प्रमुख कृषि उत्पाद अछि। एकर अलावा मिरचाय, धनि, हरदि, आद, पान आ तमाकुल सन नगदी फसलक उत्पादन सेहो होएत अछि। उपजाऊ माटि आ पानिक प्रचूरता रहलाक उपरान्तो मिथिलामे खेतीक स्थिति दयनीय अछि। क्षेत्रमे खेती मूलतः बरखाक पानि पर निर्भर रहैत अछि। मिथिलामे बाढ़ि आ रौदी दुनूक प्रकोप देखल जाएत अछि। कोनो क्षेत्रमे नियमित रूपें एहि दुनु प्रकोपक एक संगे बनल रहब प्राकृतिक आपदासँ बेशी भौतिक अक्षमता आ उदासीनताक संकेतक अछि। बाढ़ि, बरखा आ भूमिगत पानिक संरक्षित क' रउदिक समयमे विभिन्न माध्यमे एकर सदुपयोग कएल जा सकैछ। पानिक समुचित प्रबंधनसँ मात्र रौदी आ दाहीक समस्याक समाधाने टा हएत से नै अपितु एकरा संगे-संग विद्दुत उत्पादन आ उद्योगक स
Read more

गप कने हटि क'-१

By -
आजुक समयमे युवा वर्गक व्यवहार आ संस्कारमे बहुत परिवर्तन आएल अछि। पाश्चात्य सभ्यताक करिया छाँह मैथिलक कर्मठ वर्तमान आ धवल भविष्य दुनुकें प्रभावित केलक अछि। आब बेसीतर युवा आ युवती बस अपने धरि सकुचल छथि। नीक डिग्री, नीक नौकरी, खूब रास आमद, पैघ सन कोठी, नमहर (चरिचकिया) गाड़ी, एकटा जीवन-संगी/संगिनी आ बहुत रास आधुनिक सुख-सुविधा; [upme_private]Place member only content here[/upme_private]बस एतबे धरि हुनका लोकनिक जिनगी सिमटल छनि। आ तकर कारणो अछि, ओ लोकनि अपन अतीत बिसरि आ भविष्यसँ अनवगत अपन आइमे जीवैत छथि। कोन बाट चलि एतए तक आएल छलाह आ अपना पाछा की छोड़ि क' जेता तकर कोनो फिकिर नै। समाज या सामाजिक गतिविधि सभसँ हिनका लोकनिकें कोनो लेना-देना नै। बस घरसँ-कार्यालय आ कार्यालयसँ-घर, एतबहिमे जीवन खतम। हाँ, एकटा गप्प त' छुटिए गेल - चाहे कतबो व्यस्त दिनचर्या होइन्ह, टाकाक कतबो तंगी होइन्ह, माए-बापक लेल समय आ टाका होइन्ह वा की नै होइन्ह मुदा सिनेमा-सर्कस, प्रीतिभोज (पार्टी) आ बाजार (माँल) घुमबा लेल समय आ टाका दुनुक ब्योंत कए लैत छथि। ऐ मामलामे ओ सभ बड्ड जोगारू आ बड्ड सचेत रहैत छथि। बस एक्के टा चि
Read more

किछु शब्द गजलक मादे

By -
की होइत अछि गजल ? कविता आ गीत जकाँ “गजल” सेहो साहित्यक एकटा स्वतंत्र विधा थिक। जेना कवितामे भावक प्राथमिकता होइत अछि आ गीतमे सुर-तालके तहिना गजलमे भाव संगे-संग एकटा निश्चित संरचनाक/ढांचाक अनुपालन सेहो करब आवश्यक होइछ। आ से जँ नहि होए त' गजल आ कविता/गीतमे कोनो अंतर नै। मने भाव त' रहब आवश्यक अछिए मुदा गजलमे रचनाक संरचना/ढांचा केर बेशी महत्व अछि। जँ भाव गजलक सृजनक आधार थिक त' छन्दक अनुपालनसँ ओकर यथोचित श्रृंगार होएत अछि। विदेह, अनचिन्हार आखर आ आनोआन श्रोतसँ बहुतो गोटे गजल आ गजलक व्याकरणसँ परिचित हएब आ जे परिचित नहि छी आउ तिनका सभके गजल विधामे प्रयुक्त होमय वला किछु विशिष्ट शब्द सभसँ परिचय करा दी... शेर:- शेर दू पांतिक ओ शब्द संयोजन या संरचना थिक जाहिसँ पूर्ण भाव अभिव्यक्त होइछ। एकटा आदर्श गजलमे कमसँ कम पांच गोट शेर होमक चाही। मतला:- कोनो गजलक पहिल शेरकें ओहि गजलक मतला कहल जाएत अछि। > गजलमे मतला वला शेरक बड्ड महत्व छैक। अही शेरसँ गजलक रदीफ आ कफियाक निर्धारण होएत छै। आ तदुपरांत ओहि गजलक बांकी सभ शेरक दोसर पांतिमे एकर अनुपालन करब आवश्यक रहैत अछि। रदीफ:-   मतला वला शेरक दुनु
Read more